新澳咖啡餐室 (民泰街) (已結業)

今日喺附近做嘢，所以嚟咗呢度食早餐，我哋两个人，一个叫咗牛扒一个叫做咗猪扒，早餐的扒都算大件，我哋两个都食煎蛋，食物味道其实都OK，不过超多油。我想唔要茄汁豆，落单嘅时候已经讲咗走豆，职员话冇得走叫我自己唔好食留返佢喺度，其实我觉得咁样好浪费，一来又要晒啲水洗多个兜，二来又浪费咗啲食物。服务方面，我哋一食完放低餐具，职员就千方百计想我哋离开，首先就叫我拎起个袋自己揽住，之后大大声叫人坐喺我隔离先，等我哋走。其实都几冇礼貌，我见到你人多有人排队，我都已经快快脆脆饮埋杯嘢，咁我未够钟开工本来想坐一阵，都唔够胆坐，唯有出街行。总结：有其他拣就食其他，想就脚就冇办法，食物都唔算太差，同好就有一段距离。两个早餐90几蚊。