皇小館拉麵小籠包

营业中

休息中

今晚去咗荃湾一个 “算系新” 嘅 food court 食饭，行匀哂成个场，最后拣咗间上海嘢。叫咗两个超值一人套餐B（$69）四川担担云吞拉面，拎嘅时候，净系比咗清汤云吞面，问清楚后比番碗担担汁，但又无比猪肉碎。五粒云吞味道普通，云吞皮有糊口感。拉面同样偏淋身同糊口。担担汁好油，得麻酱味无咩层次。红烧牛腩饭，牛腩系牛肋条，入味够腍身。半只流心蛋亦够味。前菜三小碟，有凉拌小青瓜、上海冷豆腐、时令鲜果（哈密瓜 & 提子）。灼菜，半份白灼生菜。杞子六花茶（热），住家feel，五花茶味几浓。竹蔗茅根（冻），住家feel，清清哋唔太甜。加配 金网锅贴（+$26），有六只，卖相不错，但唔够热，粉皮同样偏糊口。加配 皇小馆小笼包（+$19），有四只，味道普通到好似食紧叮叮点心小笼包。整体嚟讲，味道真系十分普通，叫做掹车边合格。