Cafe Paradise (已結業)

一星期有一天在太子工作，又系揾下openrice有咩好食店试新野，见到呢间D食评唔错，装修又好似有D特式，所以邀约同事去试下。去到见到装修都几靓，但系系间小店，枱与枱之间相距好窄，老实讲坐得唔舒服，倾计好似同隔离枱一齐倾咁，所以同同事倾计都有D避忌。我地每人叫咗个main dish. 我叫了黑松露野菌意大利饭 （＄68），同事叫了肉酱意粉（＄58）。首先来了餐汤。一个外貌平平的忌廉汤有D惊喜，味道好浓好滑，真系几好味。我的黑松露野菌意大利饭讲真味道真系好一般，黑松露的味道唔出，而且D米还未熟透。真系称唔上好食而同事叫的肉酱意粉也是茶餐厅水准，同事食到拧晒头！加钱可以有饮品，于是同事加＄25叫了玫瑰花茶，用透明玻璃壶上，好似有D格调， 但一般花茶的味道罢了而我就叫了朱古力沙冰，哗！好高好大杯咁！都系加＄15，好抵！饮落都OK，无咩特别，因为太大杯又唔想浪费，于是叫外卖杯带返公司慢慢饮，点知要加＄2，好吧。总括黎讲，D食物质素真系唔太满意，坐得又唔舒服，同区有好多类似的cafe。真系唔会再黎。