影片
更多
2021-07-09
646 浏览
*普通系同其他试过既拉curve；380真系好抵食同无伏。我觉得伏伏地系当餐主要对住我既系新手🥲价钱上系超值，$380有前菜、蒸蛋、13件寿司、汤、甜品仲想点。但环境上成条巷都系车房，同埋有两三间茶餐厅；我唔介意环境，但介意新手，根本未出得黎既「师傅」主要对住我🥲味道上都可以，13件入边赤身表现最好。其他都有足够嘅「omakase」味，虽然系港式炙呀花臣呀个种我单人book位就伏左？（俾人当系练习嘅机会）同场其他人，我估都食得好开心……🥲 我成日就算知，但都唔会mark定每间既「明星」师傅，因为应该非明星师傅都系well trained? 一定有够本事先出黎？🥲同埋mark师傅应该要等耐啲。同埋唔俾机会间野、间野既师傅s？；既然间野都觉得师傅系得既…….（而家冇得去旅行，真系好食嘅鮨店一位难求，唔讲抢手开既，就算系新开既好似鮨晴、mamoru 、wadatsumi、masa、shion ；转位既天鮨 book都book唔到，我估咁样咁只可慢慢等下……等一两年？如果仲无得去旅行😂。有得去我无兴趣食啦😂😂😂个人口味钟意去日本，食B级美食个种😂）What’s app book一位lunch，
价钱上系超值，$380有前菜、蒸蛋、13件寿司、汤、甜品仲想点。但环境上成条巷都系车房，同埋有两三间茶餐厅；我唔介意环境，但介意新手，根本未出得黎既「师傅」主要对住我🥲
味道上都可以，13件入边赤身表现最好。其他都有足够嘅「omakase」味，虽然系港式炙呀花臣呀个种
我单人book位就伏左？（俾人当系练习嘅机会）
同场其他人，我估都食得好开心……🥲
我成日就算知，但都唔会mark定每间既「明星」师傅，因为应该非明星师傅都系well trained? 一定有够本事先出黎？🥲
同埋mark师傅应该要等耐啲。同埋唔俾机会间野、间野既师傅s？；既然间野都觉得师傅系得既…….
（而家冇得去旅行，真系好食嘅鮨店一位难求，唔讲抢手开既，就算系新开既好似鮨晴、mamoru 、wadatsumi、masa、shion ；转位既天鮨 book都book唔到，我估咁样咁只可慢慢等下……等一两年？如果仲无得去旅行😂。有得去我无兴趣食啦😂😂😂个人口味钟意去日本，食B级美食个种😂）
What’s app book一位lunch，自己个下大约最快六七日后就有。 原本上星期有机会试多一间，鮨佐濑，但黑雨😵
左手面嘅应该系资深一啲嘅师傅，右手面𠮶个我觉得佢未到企到出嚟握寿司比客人嘅程度，好伏。食第一件既饭过热同散散地，好彩夹起唔散，仲有佢每次都摆得好差。师傅提左佢两三次都唔记住「可以摆前少少」「你记得要放前啲」
但午市做咁多日；甚至我当呢日系佢第一日出嚟serve客，应该系做到先俾佢企出黎
如果比我自己黎讲，咩叫做到，13件最基本嘅套餐：相信普通人就算食多几次都会记得到🥲 （假如同你讲，你食三四次；你可做笔记同要背返出黎）
第一件带子加咩、第二件白身洒柚皮、第三件赤贝要介花再拍一拍、第四件加柚子胡椒第五件墨鱼加海胆再加鱼子再加花、第五…….、第六要炙，炙到咩程度诸如此类
其实咁难记咩？😬
成餐饭就听住师傅嘅用心教学，但呢个餐厅类型系：omakase呀！ 😵
「呢个扫柚子皮」
「帮我介 （赤贝）」
准备熟成过既醋鲭鱼，师傅「尽量只系要个皮」新手烧完俾佢睇：「再烧多次」
其实烧每样野，烧到咩程度：普通系屋企焗野、煎野、烧野，普通人都知啲色水够唔够？佢真系太新手，头两件想埋单走。我唔会当场话真系好唔掂，因为师傅主做另外两组客，我净系想埋单逃走😂
（谂返我之前试既鮨店，其实有啲独当一面嘅师傅都炙得唔够好；sor……，如果要炙真系要炙到够😅。我自己觉得唔系辣一辣变白就叫炙左）
好彩后来系卡啦卡啦咁，唔系全部由新手师傅做俾我。
同埋新手师傅完全一粒声都唔出，由佢放低，我等两秒就由资深师傅解说返一两句。
（好老实食左咁多间，我唔系太想听解说，听得太重复。但系一开始讲定唔使介绍， 又好怪咁，人地仲要未必记得；仲会搞到成餐饭好静默
无论系西餐定系中菜定系其他菜式，每上一道菜解说几句都系正常程序，听得多觉得烦😬
但系呢啲就系所谓fine dining 必有嘅程序；冇既话你反而觉得冇礼貌觉得怪，我每次都系扮听：oh/系呀？ /wow/哦……咁俾足晒礼貌嘅反应；其实我唔系太想知😅 咩鸡咩位、几多个月既咩咩咩：你讲多几句啲野冻哂啦……😂😂😂，我仲要映张照）
新手师傅真系完全似机械人咁放低咗佢整俾我个件。
唔太熟唔解说我觉得冇咩所谓，可以是但放低讲句：呢件系赤身
再由资深师傅补充下，我会觉得冇咁突兀。
另外新手经常成手饭粒，每件握既时候都痴左，4，5、6、7粒左右既饭粒分布系手，佢每次仲要系咁fing走入木桶度：我唔会话自己好识，但无得去旅行，逐间食：我会觉得比较碍眼，真系未见过痴到成手饭粒既😂
唔讲饭粒，资深师傅系餐饭仲提佢一次：要保持案板嘅干净
新手师傅既带子，饭太热，散散地，好彩夹到。食第一件冇咩感觉，因为摆得唔好，肉太薄，鲜度普通
摆出啲会好啲；正常
师傅整既；正常
又系啲堆堆叠叠既，皱下眉；但提自己：380呀🤪
新手放低既醋鲭，放太入，同埋将件野无咁美观既一面对住个客，滴汗
我自己夹反转嚟影相🥲
（腥；偷吐系纸巾包起左，有时我会讲我唔食鲭同鲣；有时又想睇下佢整成点。其实呢种鱼我偷吐既比率好似百分之七十😂。 但真有铺头整到我食得落既，仲要几好食；成日都好挣扎讲唔讲明唔食，但真系要睇间舖头嘅处理手法好唔好。我谂都系贵嘅就话食，平嘅餐厅就话唔食系最好😂😂😂。 ）
正常
正常
唔钟意佢个锅巴垫底，虽然仲脆，但好硬身，食唔到甜虾嘅软糯感
正路
系我放紧最后一件入口既时候队俾我，搞到我食到唔上唔落，希望佢地留意返，俾多一秒啲食客。
（通常望到人地塞紧野入口啲人都醒水hold多一两秒啦🥲）
一放低我笑咗，个碗咁大，啲汤只得一半仲要少啲（我望到旁边嘅人份量都一样），咁不如换过一批细啲既碗，佢都系啲$12店嘅碗，现场12个位，都系144蚊姐😂
现场啲人系咁食个蒜头，添左三四次，果下我唔想食蒜头无试到
资深师傅系用心既，解说都够，同食到一半问我使唔使少饭，同埋见佢主要系serve我旁边嘅人，交流呀之类都系会care客。
侍应都非常有礼同埋热情，但系要我俾意见嘅话，佢哋嘅动作太「冲撞」。系心急冲过黎即刻帮你个种，如果改善嘅话，要啲动作放柔，客人招手，可扮野日式点头示意；动作慢啲、唔使急跑过去我觉得会好啲，同似omakase啲
同埋就算当日熟手啲既师傅手势（放野，处理食材，触碰调味料）都系冲撞（大力）一啲；omakase系要扮和式啲架🤪
380蚊仲要冇Service charge，我原本想拎少廿蚊，但佢找钱个下唔系放台同无黑色底板而系两张钱加张单俾我；个下唔知俾唔俾tips好：20蚊咁少😬 ；tips既话好似少左啲，但拎钱拎少廿蚊好似无咁少咁？
谂太多😂😂😂
张贴
