錦丼 (iSQUARE國際廣場) (已結業)

成日经过呢间日式鱼生饭店锦丼，佢广告牌啲鱼生饭好靓好鲜好味咁，朋友一直想黎试吓，今日决定黎圆佢心愿。呢日系平日午餐时间，人唔多，一点几都系坐左一半人....有古怪。朋友叫左高松丼，有海胆，三文鱼子，唔知咩鱼生同蟹柳两条。朋友话普通啰，正常啰，下面既饭唔多好食，佢食净哂啲饭。我叫左豚肉泡菜锅，呢啲咁简单既野，衰极有个谱既我谂。一嚟到个卖相真系唔多吸引，块豚肉好肥好肥😨，得5块。有少量韩式粉丝，豆腐一块，泡菜劲少量，好多津白（可以扮泡菜），有啲杂菇。成个锅好普通，碗白饭唔好食，又硬，唔浸汤都食唔到，最后我只系坚持到半碗。食完我觉得好唔满足，朋友食完话下次唔洗黎。唔怪得之无人，好彩有85折。