伊留加刺身壽司和食專門店 (已結業)

响湾好未够钟见客, 仲够时间食咗饭先, 行到谭臣道, 又唔想食茶餐厅嘅肥腻, 行行吓突然发现这间和食专门店, 走进去试吓! 细小嘅店铺整齐清洁, 坐位只有十余个, 午餐选择颇丰富, 拉面寿司刺身便档定食样样有, 大热天时又唔想食拉面, 食寿司刺身又惊唔饱, 最终拣咗 生姜烧牛肉饭 $32, 饭跟纸包饮品一盒, 都无乜所谓, 反正食完都会去叹咖啡... 碗饭唔系好大, 面头除咗牛肉, 仲有d日式炒什菜, 尚算照顾周到, 牛肉味道一般, 冇乜汁送饭, 比不上吉野家.下次若再有机会嚟食, 我会试吓d拉面.