藥膳刀削麵 (已搬遷) 新店位置

见单张上选择多，好似好好食，就嚟咗试下。开头冇睇清楚以为有堂食，原来系外卖店。试咗麻辣猪肚刀削面同醉鸡刀削面配杯豆浆同一盒纸包饮品。打开外卖，刀削面同药膳汤分开。虽然好多餐厅都有咁做，但呢个都还是加分位。药膳汤闻到有淡淡药膳味，饮落都系淡嘅药膳汤味。如果浓味d会更好味。刀削面算不错，有烟韧感觉。部份位都有少少淋，唔知系唔系外卖盒焗咗佢一阵。麻辣猪肚有辣味，但冇麻辣。整体感觉一般。同埋梗系觉得麻辣同药膳唔系好夹，感觉麻辣猪肚放入汤会盖过药膳味。同事就话醉鸡冇醉鸡味，同埋咸咗少少。$45/一个面同一杯饮品，喺中环来讲算实惠。整体来说，刀削面正正常常，但唔系特别好食。短期内未必会encore。