百份百餐廳 (大興商場)

营业中

休息中

今日返工之前去咗大兴𠮶边嘅百份百餐厅买个午餐食。去到嘅时候都唔算多人排队，排咗两三个就到我嗌外卖，我嗌咗谷饲牛肉炒赞岐手打乌冬，加多杯立顿奶茶。出餐速度都算快，唔够十分钟左右就可以攞得喇。𠮶碗乌冬唔算大份，一个男人午餐正常嚟讲可能食到六成饱。不过里面嘅牛肉嘅比例都算多，肉质烟韧，有咬口。成碗味道唔会太浓或过咸，味道适中。乌冬都唔会炒到一pat pat，仲有啲弹牙。立顿奶茶正正常常，冇咩特别。成个午餐六十五蚊左右，都算一个正常价钱，但因为份量唔大冇话特别抵食，可以接受。