榮少喇沙 (已結業)

1️⃣炸猪扒喇沙 $50虽说系炸猪扒，但唔知点解睇落比较似煎猪扒。不过唔影响味道，有少少咸但肉质都嫩。喇沙汤底味道唔算好重虾味，比较重椰汁味，食落都ok。而配菜有半只烚蛋同豆卜，少咗一般会见到嘅芽菜/豆芽，觉得有少少可惜，因为整体食落口感好单一，如果食面嘅时候食到少少芽菜/豆芽，口感上会更丰富，而碗喇沙望落都冇咁空虚。✴️整体而言，今次食到嘅只系普普通通嘅喇沙，又未去到其他人讲到咁浓郁，或者期望太大，不过都希望有机会再食下其他面/饭。