長江飲食中心

营业中

休息中

本身想食温莎堡，但咁啱进行紧内部装修，所以食呢间。 呢度门口有面包卖，之前试过堂食系要先买飞比钱，揾左位之后就等staff送餐，不过今次无咁多时间堂食所以买外卖。早餐选择算多，价钱都系一般茶记早餐价。 就咁叫左个沙嗲牛肉米，套餐跟火腿煎蛋同餐包，冻饮加$2，叫左杯冻奶茶少甜少冰。 米粉同汤系无分开装，唔知系咪要特别要求，不过公司喺附近，拎到返去都无咩问题。沙嗲牛肉米份量都几多，但沙嗲牛肉味唔系好浓，得个色有一两旧比较韧。 煎蛋个样比较hea，不过我都系放埋落个面度食 而杯冻奶茶…叫左少甜少冰，打开个杯发觉啲碎冰好似好多咁，用匙羹𢳂晒出黎杯奶茶都无左1/3，好似饮两啖就无。又唔觉得佢有特别少甜到，都系叫返热饮好啲。