綠楊軒

营业中

休息中

最近都多来咗铜锣湾工作，所以就约个朋友来一试呢间上海菜，况且我都好耐冇食上海菜。坐电梯上到去，一间食店挂咗四五个牌，有台湾、广东、上海，我去到以为先己去错咗。当时时间好早，下午六点几，所以我哋系唯一客人。个餐厅景观系几好，面对维港。我睇完餐牌，就好快点咗两款餐前小食、一个炒饭、一个小菜、一份蟹粉小笼包。餐前小食，熏蛋，烟熏味香，蛋味就唔系几够，都合格的。另一个小食系素鹅，都系一般，冇好又冇坏。蟹粉小笼包，就系主食后先上，呢样就令人有啲失望。小笼包算系可以，但蟹粉好似腥味多咗啲。到主食，叫咗个回锅肉同干贝蛋白炒饭。回锅似，以上海菜味道来讲，少辣少少辣，同堆唔够香。干贝炒饭，就更加更加淡，好似纯食炒饭。服务，除咗坐低叫茶同点菜会见到佢哋自觉来问，其他时间就一定要举手先有人。