魚心日本料理 (已結業)

呢条街都好多食店，睇到眼花撩乱都未拣到食边间，咁我朋友就话想食日本野，加上我地两个都好肚饿就是但入左呢间。星期六都几多人，我地两个都系叫左一个寿司set既餐，包咖哩饭/拉面加可乐一支，一set就$38。我寿司叫左份加州三文鱼卷，我朋友个份系蜜桃炸虾卷。先讲个加州三文鱼卷，其实真系好普通下，三文鱼都唔系话好靓好肥美个啲，不过以价钱黎讲就算喇😂。我朋友个个蜜桃炸虾真系无奈到一个点😅，个蜜桃系热既又唔新鲜，不过佢个寿司里面既炸虾就好脆。再讲佢跟餐既咖哩饭，其实个汁都唔差，冇乜太大特别，不过太辣以我黎讲。总体来讲就环境一般，服务ok，食物一般。