金滿膳燒味餐室 (已結業)

今次我食嘅嘢真系普通到不得了，但我觉得都值得写下食评，呢间牛头角 金满膳烧味餐室 唔可以错过呀。🧇普普通通就嗌咗法式西多士，金金黄黄嘅外皮，热辣辣嘅感觉，即食一定系最正。上面一个牛油等佢慢慢溶化后就刚刚好。一切开𠮶下真系有好幸福嘅感觉，牛油又慢慢融落嚟，里面夹心馅慢慢流出嚟真系好正。食一口真系觉得好温暖，香软充满蛋浆嘅面包再加上牛油，再加上夹心馅𠮶种互相交融嘅感觉，咸咸甜甜咁样好鬼正。🍜咁啱下午茶时间，就可以试下烧鹅髀配搭粉面嘅套餐。烧鹅髀真系未试过咁正。除咗佢够大只之外，好食都系相当重要，皮脆肉滑，烧得刚刚好，每一啖都系香口，每一啖都系嫩口。