星點心專門店

营业中

休息中

九龙城主要有三间饮茶小店，是日蜜桃小丸子嚟到最近新开嘅一间，因为唔系午饭时间，一嚟到就有位。舖头新装修但枱面偏细，两人枱真系肥少少都坐唔落，嗌咗五个点心基本上张枱系完全放唔到，仲要啲呀姐系你隔离行嚟行去好近好近，除非你系坐梳化位，如果唔系真系唔会可以安安落落叹个茶。讲返啲点心先，佢就话系即叫即整，但个焗菠萝包一嚟我就好怀疑系放左几耐，因为唔热啰！都唔系第一日食焗菠萝包，但佢完全冇个种岩岩焗出嚟好松脆嘅感觉。唯一好嘅系佢个馅唔系流心，一咬落去成pat嘢流出嚟个只，但当然有人系钟意个种多啲啦，唔会太甜，但都冇惊喜。招牌虾饺细细只，正正常常，但系九龙城食过更大更新鲜的，所以又系觉得冇咩特别。鲜竹卷一咬落去系腐皮多过馅，真系不予置评。鸭脚扎就系鸭脚扎，冇异味，唔会太咸，但除此以外就冇咩抵赞了。最好味嘅系呢个肠粉入面包咗春卷，口感较丰富，个肠粉都叫薄皮，啲馅都系新鲜同脆嘅，成个九龙城得呢间有得食，但其他点心就真系普通，价钱亦比其余两间贵，性价比唔算高，试过就算了。