JW咖啡室

营业中

休息中

疫情前食过佢哋嘅lunch buffet觉得真系唔错种类多，食物质素好，所以今次再试多次佢嘅lunch buffet发觉其实咁多年后，佢啲种类都系一样😂😂最出名嘅中菜，例如花胶 鸭掌 蒜蓉蒸虾 片皮鸭 烧味等等，仍然都有提供，但系感觉上质素好似冇之前咁好，定系唔知系咪我期望太高，所以有啲失望🙃熟悉方面都有啲扒，意粉果啲。个意粉我就觉得唔系太好食，因为我已经系等佢新鲜新一盘拎出嚟，但系一夹嘅时候都已经烂晒，好明显煮得过熟。甜品方面种类都算多，但系好可惜冇我最钟意嘅焦糖炖蛋同埋之前有嘅马卡龙，如果有呢两样嘢嘅话，我应该会再帮佢加多几分🤣🤣服务态度好好，啲侍应全部都好醒目，做嘢又爽手，不过环境方面就偏迫夹。而且都好嘈，可能因为有好多一家大细一齐嚟食，会见到熟食区𠮶边有好多细路跑来跑去，老实讲系有少少危险。