JW咖啡室

营业中

休息中

朋友早在9月頭在網上搶到JW Cafe平日dinner buffet的優惠，連同服務費，人均大約$550。JW Cafe的位置好方便，從金鐘站去到太古廣場，便能搭lift直達，不用行地面的路。入座獲安排坐靠窗的梳化位，闊落舒適。可樂、七喜及啤酒可以任飲，但三者都會漲胃，如有果汁供應會比較好。先吃些刺身，有6-7款大路的選擇，三文魚、帆立貝及油甘魚肥美鮮甜，赤貝及象拔蚌普普通通，不夠甜。海鮮區的主打是蟹，加上10月份的主題是蟹宴，所以熟食也有幾款蟹類菜式供應，包括花雕雞油蒸蟹、湖南炒辣蟹及泰式咖喱炒蟹。冷盤的有加拿大蟹、加拿大雪蟹腳、麵包蟹、花蟹等，另外還有波士頓龍蝦，並備有多款醬料佐餐。蟹腳粗，蟹肉紮實，帶海水味。麵包蟹蓋很快便被取去，一見到有少量便要即取，蟹蓋多膏夠甜。龍蝦肉質爽口，朋友吃了不只一隻。熱葷方面，有炆煮得軟稔入味的花膠，香口爽彈的椒鹽鮑魚，還有焦香軟稔的叉燒。蒜蓉開邊蝦雖然惹味，但蝦肉不夠爽。咖喱炒蟹的咖喱不會太辣，帶點微甜。甜品的選擇最多，個人比較喜歡日式蕨餅，夠煙韌又不會太甜。迷你葡撻可一口享用，帶微微焦糖香。整體的食物選擇都算充足，味道也不錯，能把握到優惠來吃di

JW 咖啡室可以講係頗有名氣的自助餐之選，這裡的自助餐除左非常多龍蝦和各式各樣的蟹類冷盤之外，仲有貴價中菜款式，如:花膠/鮑魚/鵝掌/扁皮鴨/蒜蓉蒸蝦，還有好少見自助餐有花蟹食，雖然蟹冇想像中咁多品種，算是新鮮貨。龍蝦鮮甜，比其他自助餐嘅更加好味、彈牙。其他熱葷不太出色，食物選擇唔算好多，但重質不重量，工作人員亦補得很快。最大賣點係任食花膠，花膠煮得好淋入味，同時有咬口，可以補充骨膠原，但食多會膩。鮑魚非常新鮮大隻，不是罐頭鮑魚。牛扒、羊架屬正常水準，比較喜歡西餐嘅朋友可能會覺得未必啱心水。燒味肥瘦適中，皮酥肉嫩（雞、叉燒），片皮鴨都好味，不油膩火候亦足，用料不錯，人手即場包裹比你，已經調好曬味，鴨皮油脂香氣十足，伴以爽脆青瓜解膩。還有提供多款沙律菜，全部都好新鮮。刺身種類不多，有原條新鮮加拿大象拔蚌，超級爽脆，三文魚、油甘魚、帶子都好新鮮，赤貝同北寄貝就麻麻地。而比較令人失望嘅係甜品部分，甜品卻平平無奇，較其他酒店差！有點兒失望。不過豆腐花就超好食，滑溜有豆香，香港很少地方能食到這麼高水準的豆腐花，加埋芝麻糊同吃更一流。餐後的凍檸茶好好喝，仲有Häagen-dazs雪糕，已好滿足。雖

今次同屋企人嚟食lunch buffet我地人數比較多，有7大1小所以book位時要比定deposit呢到環境好好，我地係坐大圓抬咁岩可以自成一角，隔離就有部鋼琴有人彈奏附近冇咩人，但服務員又好勤力過嚟同我地收碟。首先呢到lunch buffet雖然款式唔算好多海鮮種類正常，有魚生，刺身，壽司幾款蟹，又有北京田鴨中式燒味，芝士款式都有幾款。反而湯同意粉好少不過我主打係嚟食佢d花膠花膠都補得快，我都食左2轉好大塊，肉舊，冇醒味，不過有少少飽濟😅。我個人會鍾意睇下酒店d 烘焙，麵包款就唔多酒店d人話佢地呢隻塗包既牛油係靚野我試左一個，但味道分唔出有咩唔同😂。甜品佢地都係貴精不貴多我試左少少就冇食，因為實在太飽了。雖然JW整體款式唔多，但佢款式都特別好似有花膠，北京田鴨而且味道質素保持到，服務又跟得足 。有時佢地HSBC卡有另外做折呢日咁岩有折上折，埋單連加一大人一位都係5百頭左右，好抵食

趁著情人節來食點好東西雖然入座時人有點多，但整體環境座位都算舒適，入座後會提供welcome drink（七喜、百事、啤酒）18:00自助餐就開始了，坦白說食物種類不多，不過基本有的都有齊，而味道則款款美味。\私心推介/鮑汁燴鮑魚海參及燴花膠拼鹿筋任食的名貴食材，非常新鮮，而且汁濃入味，是高水準的菜式！蒜蓉蒸蝦廚師特別說明是新鮮蝦，肉質結實，蒜蓉香氣十足。而甜品除了好看更多的是好吃綠茶開心果杏仁蛋糕口感煙韌，淡淡的開心果香氣，配上綠茶的清甜，讓人回味無窮.班蘭椰子蛋糕是有層次的味道，最先食到的是面層芒果的鮮甜，接著食出班蘭蛋糕的香味，最後就椰子香跟芒果作出首尾呼應，非常驚艷的小蛋糕！而且值得一讚的是，這間酒店非常勤於refill（真的不是每間自助餐都能做到.. 再受歡迎的菜式都不怕食不到啦

Boxing Day 貴$200，要Deposit $200。花膠： 唔知是否差了，品質不是透明，而是不透明的白。燒牛肉： 肉質可以，但份量細。煙三文魚： 品質可以，但比以往差。魚生： 合格多了有長腳蟹腳，很粗，品質可以。蛋糕差了，不是一齊個，而是一件件。

生日想食好d，見多人話JW既自助餐好食，就一於試下。食物方面，種類少唔係問題，但好多質素都唔多掂。龍蝦正正常常。刺身唔係好新鮮，象拔蚌同赤貝有d腥😮‍💨燒牛肉過熟，而片皮鴨食落好嚡，咬唔開，食到一半吐返出黎。甜品方面好失望，Creme Brulee過熟，madeline太實，泡芙餡同拿破崙既吉士好甜😐至於服務方面有待改善。好幾次個碟仲有野食未食完，侍應想收走。另外我book位個陣remark左慶祝生日，餐廳送左個小蛋糕。當成張枱面擺滿晒野食，冇位放蛋糕個陣，侍應想送蛋糕。。。總括而言，自助餐始終以量為主，犧牲少程度既質素係可以理解，但如果以menu提供既食物種類，同當日既質素黎講，每人差唔多$900依個價錢黎講，真係唔值。JW既自助餐絕對對唔上五星級酒店既名號，冇下次😮‍💨

朋友生日去咗位於金鐘的JW萬豪酒店的JW咖啡廳食自助餐，我哋中午12點入座，咖啡廳裝修優雅舒服，非常好坐。入邊有非常之多嘅食物可以選擇，有長腳蟹、加拿大蟹、麵包蟹、蟹鉗、大蝦，但冇生蠔同龍蝦，感覺相差少少。至於熟食方面有大花膠，塊花膠手掌咁大，仲有深海魚，啖啖肉，其次仲有煙三文魚，非常美味，當然唔少得仲有多款刺身可以選擇。最後食埋美味的甜品和雪糕🍦。

男朋友生日🎂，想食好啲，之後揀咗依間餐廳🍴食。之前我哋有食過早餐，午餐，但係未試過晩餐。今次就試埋去，J W自助餐最主要食中式食物🥘。佢哋嘅凍海鮮🦞質素好好👍🏻，貴精不貴多。當晚有花膠海參鮑魚，鵝掌，扁皮鴨，蒜蓉蒸龍蝦等等。凍蝦蟹海鮮，龍蝦，麵包蟹，蟹等。甜品有好多選擇，麵包布甸🍮，豆腐花，黑芝麻湯圓，其他西式餅都有，一定食到飽。依家如果你有恆生或者匯豐信用卡有85折，包埋加1大約$749。

今日放下午一行3女子去嘆下午茶buffet,朋友join咗萬豪酒店會員（有discount coupon），但點知埋單才發現7、8月冇、只可用會員折扣（75折），激氣！Anyway,都已經去咗，但十分失望、食物種類很少，魚生得5款、沙律菜也只得生菜，冷盤連火腿也冇，味道亦非常一般，甜品更不濟，連cut cake都冇；反比之前COVID時的食物質素和選擇還好過現在，真摸不着頭腦，相信短期內都不會再去👎🏻

推介指數 Recommendation Level : 🔥🔥🔥🔥🔥很多酒店餐廳都提供具有多種食物選擇的自助餐，但要找一間質素高價錢有合理，卻並不容易。這間酒店的自助餐雖然價錢不太便宜，選擇雖然不是最多，但已十分足夠，最重要的事看得出廚師悉心烹調每一款食物，食材名貴，而且新鮮，味道及口感亦一流，難怪長期都有很多捧場客。Many hotel restaurants offer a variety of food options in their buffets, but finding one that combines high quality with reasonable prices can be a challenge. Despite not being the most affordable, this hotel's buffet provides a satisfying selection of dishes that are meticulously prepared by the chefs. The ingredients are both luxurious a

What a truly exceptional dining experience we had at the JW Marriott Cafe's international buffet! From the moment we arrived, the friendly, attentive staff made us feel welcomed and valued as guests.As we made our way through the expansive selection of global cuisine, we were repeatedly wowed by the exceptional quality and preparation of each dish. The king crab legs were sweet, tender, and bursting with fresh, briny flavor. The Peking duck was perfectly crisp on the outside and delightfully jui

今次揀咗星期五去食下午茶自助餐，人客比四月時週末的少，大概七成客滿，所以第一輪拎嘢食也不至於太墟撼！食物種類同上一次差唔多，但也有D新的款式，例如今次有豬腳薑醋，金菇牛肉卷，炸帶子，豬紅魚旦同Movenpick 雪糕😋燉湯依然係我嘅favorite, 有成個🍋 嘅lemon tea 依然係咁好飲😀

星期六 Tea buffet（15：15-17：15）因為遲咗起床又未食過tea buffet就試一試，只係五六日先有。原來都幾多香港人去食，首先我覺得食物種類都唔算好多，但每樣都有少少，中式食物比較多，提取食物個範位都唔算大，係一開始時已經出現人龍，但不斷會refill，唔怕你食唔到，係怕你食得太飽。我個人最欣賞飲個椰子花膠鮑魚仔燉湯，仲有食茄汁蝦👍。點心食咗蝦餃👍和脆皮菠蘿叉燒飽👍好好食，刺生有：甜蝦，墨魚，三文魚， 北寄貝，赤貝烚菜粉麵，生滾粥炭燒牛肉都嫩，3款沙律，芝士 自制沙律菜炸物有墨魚餅 炸帶子 雞翼 春卷 咸水角豬腳薑，乳鴿生果，雪糕，蛋糕仔 楊之甘露 紫米露 芒果糯米糍

見信用咭和酒店有合作優惠，2年前去過ok, 再參考op年初食評，book了下午茶自助餐。這天客人不多，中式點心吾同左，無咗蝦餃和雪山叉燒包，加入粉菓，亦有鮮竹卷，春卷和炸鮮奶，比以前失色。燉湯冇左花膠湯換咗鮑魚椰青湯，相比中式燉雞湯較足料好飲，比較突特出係炒蜆幾大隻惹味。亞洲和西方食物吸引，有和牛瘦身多肉，星洲炒大蝦啖啖肉，煮青口漲卜卜唔會亁硬身，卡邦尼意粉收汁靚，脆炸雞翼做到脆皮而唔會乾身。魚生三文魚和吞拿魚做到油光，軟身貨質素高。如果肉質多啲鮮味更好。兩款煙和淹製三文魚好咸香。甜品最好味係芒果卷多果肉，冬甩細細個幾好食。糖水有凍紫米露，開心果露和台式涼粉。員工服務態度好好，改善地方係添加食物比較耐。因為帶長者去，佢主要想食中式點心，期望有落差。食物整體算係唔錯。

多年前嚟過食午餐及晚餐嘅自助餐，今日試下午茶自助餐，好滿意呀！😋首先餐具有碟放要加分，其他餐廳往往只放喺枱面，感覺有點不潔尤其是刀叉🍴用過之後會沾上食物。食物種類多，refill 快，普遍都好食，除咗以下圖片的食物，其實仲有燉湯，燒和牛，Laksa, 魚生，壽司，海鮮粥，炸雲吞，燒乳鴿，燒賣，粉菓，Haagen Dazs 的杯裝雪糕 etc. 其中有一啲仲幾特別添e.g. 牛油果露，芒果糯米卷，冰粉 😋 再加埋杯一啲都唔hea 嘅歺飲，足足放一個檸檬的iced lemon tea, 大滿足呀！員工態度誠懇，收碟好快，個個都好醒目，今次用歺體驗係近幾個月嚟最好嘅👍 多謝！！期待下次再試其他時段😉