博多拉麵別天神 (已結業)

行过门口真系俾佢装修吸引入去嘅，仲有部落单机，落完俾钱先入座，抄足日本拉面店，感觉去咗日本咁，满心期待。连头顶位置都摆满temple纸巾，好贴心，同dum本。座位前有menu教你唔同嘅调味方法配搭浓味同辛辣味。调味有蒜容，七味粉，胡椒粉，芝麻，辣芽菜等。我点咗虾味噌汤面，男友点豚骨汤面加煎饺。虾味噌汤面个汤底本身都好浓郁，好饮。不过啲面唔系好弹牙，有啲鞋口，似食紧健康麦面咁😅，仲有旧肉都比较干同鞋。少许失望。煎饺都太普通了，加咗成20蚊食4只肉唔多唔juicy嘅饺子唔系好值啰。服务算ok啦，唔知系咩原因啲食物咁普通，下次有机会再黎试下睇下会唔会唔同啲。