嵐石 - 海鮮&牛扒餐廳 (已結業)

难得放假！天气又好，咁就去赤柱行吓，顺便食个晏昼，放空一下，放松心情！感觉真好⋯⋯行吓行吓，吹住微风，但奈何太阳好鬼猛，所以我哋都系即刻揾嘢食！我哋叫咗两个set lunch!分别有图片果啲，自己睇啦！我觉得蕃茄冻汤好好饮，有浓浓嘅蕃茄味，而且加咗青瓜粒，感觉好清新！咁热嘅天气饮啖简直透心凉！正👍🏻生𧐢都好新鲜，唔太咸，但有海水味！另外鹅肝亦外脆内软，就算唔点汁亦好够味！至于两个主菜我就觉得一般，老公话个Burger直头系难食！因为块汉堡又硬又冇乜肉汁，而且啲味好怪😫！红虾海鲜饭好足料，而且海鲜亦算新鲜！至于甜品向来都系我至爱，加上半价已经食到，感觉好抵，就算饱都要食啦⋯⋯虽然卖相平平无奇，但食落唔错！抹茶芒果拿破仑，个饼底脆卜卜而且中间果啲Cream唔太甜，而且芒果有啲酸酸哋嘅酱，好食！因为平日去嘅关系，人唔太多，慢慢食住嘢吹下风，个景又靓，令人心旷神怡！