天龍軒

营业中

休息中

今次到最高中菜厅食晚饭，我地冇选择套餐，想试下招牌小食点完菜就上左当天的前菜，系卤水鲍鱼加酸姜皮蛋。鲍鱼入味，但味道较浓，抢了鲍鱼的鲜味，亦略嫌口感太软，没有有鲍鱼的弹牙口感。大虾窝贴，系今晚最好食，最值得推介！😋😋香脆可口，大虾爽甜，配埋酸甜汁可以食多几件。最出名既黑毛猪叉烧，呢度系半份既份量，但好厚，份量好有诚意。叉烧够肉质，但欠缺barbecue 既味道，冇烧蜜汁既惹味同香甜。如果可以烧得足d, 会更好。呢个誉为最好食既叉烧，实在不符事实，都几失望。酿蟹盖，蟹肉好多，但忌廉抢左蟹肉味道。而且师傅功力唔好，太多蟹壳🤨🤨，一路食要一路损出黎😟鸽肉两食，呢个配搭唔错，每个味道都试到，唔会腻鲍鱼滑鸡脆面，味道好一般，鲍鱼完全冇鲜味，啲汁应该分开一d 另上，依家太多，太咸，有浸软晒中间既面。大厨应该要细心谂下上菜安排。呢个价钱有大半系为个景而黎，服务都算好，但中餐厅黎讲，味道其实好普通。