Harbourside Grill

营业中

休息中

閒日夜晚光顧，海景一流，270度維港，睇埋燈光匯演都得。即使不是窗邊位，基本都睇到景；更設有戶外位置，食飽出去吹吹風、睇睇景，一流。講返食物，賣相都唔錯，但食落味道質素就一般般，可接受，但可能有期望，導致有啲失望。雨衣甘藍牛油果沙律清清地，口感夾，但我略嫌唔夠味，如果加返個dressing 就一流。帶子脆豬腩肉，煎得幾香口，不過帶子唔夠鮮味。Sea bass 都係清清地，少少鯹。肉眼無乜牛味，亦無任何配菜，dry D。最好味係蘋果撻，超正，尤其個撻底，但就甜啲。雖然二人份量，但兩個人係食唔哂。服務都不錯，熱情，有禮貌，主動。唯一係有位男待應成日跌口罩落下巴。