Little Mario's Pizzeria (珀麗灣)

营业中

休息中

入到嚟马湾，感觉同去咗度假冇分别。今日星期四，可能平日嘅关系，唔系好多人去马湾，整个地方都好舒适。我哋喺荃湾西坐巴士入嚟都系用咗大概15分钟嘅时间就到，非常方便。首先要介绍间餐厅，系位于挪亚方舟酒店隔离嘅商场2楼，饱览整个青马大桥景色。我哋今次特登坐喺餐厅户外嘅环境进食服务员亦都非常之好，非常之细心，我哋嗌咗两杯特色饮品，好衬呢一个景丫。如果夜晚仲更加靓。净系欣赏个景已经值回票价。环境又清幽，真系可以坐足全日。食物方便我哋嗌咗一个千层面同一个夏威夷菠萝pizza 。另外仲有一个儿童餐添佢哋嘅Pizza系自制pizza，千层面亦都好好食，唔会好油。儿童餐嘅配搭亦都丰富坐喺餐厅门口食饭系一种享受。有小朋友嘅话仲可以去沙滩玩添。