影片
更多
2023-07-28
4510 浏览
一直想试嘅中菜馆，趁住庆祝周年纪念就去左试，但好可惜早两星期都预约唔到窗边位置，因为可以望到海，睇住夜景黎食饭绝对加分。值得一提呢到嘅服务超级唔错，好有礼貌同耐性解答问题。本身主要系想食片皮鸭但黎到先知最少要叫一只，2个人真系冇办法，而佢2人套餐有啲敏感野食而冇叫到，最后只可单点。🔥招牌叉烧 $105★★☆☆☆叉烧好失望，完全系below average，出名啲嘅茶餐厅水准都好似好过佢。一黎唔够焦香感，蜜汁唔够，但旧叉烧肥瘦比例系几好，肉质都冇话好软稔，唔值呢个价钱。🔥冻顶乌龙茶烟熏鸽 $198★★★☆☆一上枱就好大阵烟熏味，食落都几香入味，一入口先食到卤水味，再有少少茶熏香。鸽肉几嫩滑，不过系少肉左啲啲，但钟意食骨嘅我觉得唔错。因为细只，鸽髀、鸽翼食起上黎有啲麻烦。一只系大概2个人嘅份量。🔥桂花梨伴淮山黑醋猪柳 $278★★★★☆呢个类似咕噜肉，炸到好酥脆，即使即到尾声都仲保持到好酥脆，抵赞。个咕噜肉酱汁比起一般汁更酸，带有黑醋个种味，够哂酸甜，𩠌饭一流。而猪柳肉质几鲜嫩，有肥有瘦，唔会干争争。不过食多几旧会开始有啲腻。🔥荷叶带子饭★★★★☆呢个饭系成餐饭最出色嘅一道菜式，个饭做到粒
一直想试嘅中菜馆，趁住庆祝周年纪念就去左试，但好可惜早两星期都预约唔到窗边位置，因为可以望到海，睇住夜景黎食饭绝对加分。值得一提呢到嘅服务超级唔错，好有礼貌同耐性解答问题。
本身主要系想食片皮鸭但黎到先知最少要叫一只，2个人真系冇办法，而佢2人套餐有啲敏感野食而冇叫到，最后只可单点。
🔥招牌叉烧 $105★★☆☆☆
叉烧好失望，完全系below average，出名啲嘅茶餐厅水准都好似好过佢。一黎唔够焦香感，蜜汁唔够，但旧叉烧肥瘦比例系几好，肉质都冇话好软稔，唔值呢个价钱。
🔥冻顶乌龙茶烟熏鸽 $198★★★☆☆
一上枱就好大阵烟熏味，食落都几香入味，一入口先食到卤水味，再有少少茶熏香。鸽肉几嫩滑，不过系少肉左啲啲，但钟意食骨嘅我觉得唔错。因为细只，鸽髀、鸽翼食起上黎有啲麻烦。一只系大概2个人嘅份量。
🔥桂花梨伴淮山黑醋猪柳 $278★★★★☆
呢个类似咕噜肉，炸到好酥脆，即使即到尾声都仲保持到好酥脆，抵赞。个咕噜肉酱汁比起一般汁更酸，带有黑醋个种味，够哂酸甜，𩠌饭一流。而猪柳肉质几鲜嫩，有肥有瘦，唔会干争争。不过食多几旧会开始有啲腻。
🔥荷叶带子饭★★★★☆
呢个饭系成餐饭最出色嘅一道菜式，个饭做到粒粒分明之余够干身，荷叶味道好突出。加上超足料，啖啖都系劲满足。饭入面有虾、带子、肉粒呢啲配料，食落口真系一个字「鲜」。
莲蓉包★★★★☆
莲蓉包个包好松软，馅料唔会太甜刚刚好，莲藕馅好香入面仲有咸蛋黄， 热辣辣食好正。因为庆祝纪念日，叫左写字，睇得食得！
🌟总括：服务、环境一流，食物一般正常，但招牌菜叉烧完全唔得。呢到嘅菜式都可以问下有冇得减半之类，咁样少人都可以多叫几款，但建议多人黎食都好啲！
张贴
