PANO

营业中

休息中

当天系女朋友生日，佢系个种只要餐厅环境靓就会想去试既人。PANO位处西九文化区，旁边就系维港景色，理所当然地就吸引左佢。PANO都比较难book位，我为左book得成，预早1个月预约。2-3月个期都仲系禁紧晚市堂食，餐厅都唔肯定几时会恢复晚市，所以惟有book午市去食啦。虽然下就会无夜景咁有气氛，不过三面大玻璃，望到远处蓝天白云都够哂赏心悦目!PANO 既set lunch有3个选择，我哋就拣左4个courses，一位系$498。4个courses分别系1个appetizer，1个soup or salad， 1个main同埋1个甜品。当中我自己就最钟意Oyster Tartar，生蚝上面加埋鱼子，好好味!另外两个main，我比较喜欢慢煮法国鸡腿卷，慢煮令到鸡肉肉质好鲜嫩，亦都好入味。总体黎讲，PANO系一间好适合你去打卡既餐厅，食物亦都唔错。我自己都期待下次去试埋佢既晚餐，亦都可以享受维港夜景。