唐坊火鍋私房菜

知唔知出街打边炉最唔想遇到咩情况？就系啲餐厅要你坐到迫迫夹夹，如果遇到咁嘅情况，就真系食咩都冇味。上个星期同朋友一齐去咗油麻地站附近嘅「火锅私房菜」，餐厅个名叫做「唐坊」。个名叫得做「私房菜」，我就对佢个要求就会提高啲，我谂点都唔会迫迫夹夹啩。点知一入到去，成个感觉啱feel 㖞，落地玻璃，成个旺角几乎一览无遗。装修又精致，餐厅阔落坐得舒服，诚意分max。我哋一行四人叫咗个四人套餐，先讲讲个刺身先，刺身鱼系目仁奈，目仁奈出名鱼味够抢，质地有少许弹牙又不失韧性。刺身够哂新鲜，摆盘又有心思，呢条目仁奈作为头炮可谓十分精彩。锅底方面，我哋拣咗「煲冬瓜瑶柱美腿汤」就系贪佢比较清甜，饮落果然好味道，锅入面亦唔难揾到瑶柱同火腿嘅踪迹，系足料架。4人嘅海鲜盘方面，听店员所讲，虾同埋鲍鱼系基本配置，其他海鲜就会由餐厅老板到街市即日选购。而我哋食到嘅就有沙白、鳝片、同埋巨型北寄贝，个摆盘又系打卡一流。虾肉弹牙唔会霉、鲍鱼清洗得好干净、鳝片肥美、沙白拣得好，落锅煮完冇沙、仲有个北寄贝非常鲜甜。「手切特级牛（大）」亦都上咗枱，牛肉份量足够，牛味够浓，有嚼头而唔会靭，都系上品。「三宝丸」手打制作，「蟹肉饺同韭