影片
更多
2020-12-28
332 浏览
❣️ Tapa Room (国际贸易中心) 🔍观塘观塘道348号国际贸易中心地下G02号舖-----呢间以霓虹光管为主题嘅西餐厅，B仔上月曾经光顾过佢地嘅铜锣湾分店，一试难忘，正好圣诞假期谂唔到食咩好，今次就黎佢地嘅牛头角分店食午餐。分店距离牛头角地铁站好近，约2-3分钟路程(Google map会比条7分钟嘅路线你😛大家唔好跟，唔识行可以问我）同铜锣湾店一样，深色嘅木台木凳，配搭墙上大型「食鬼」霓虹灯装饰，打卡位充裕，想影张呃like相毫无难度。🦑烤煎原只八爪鱼腿配西班牙青酱🦑 $208又长又粗嘅八爪鱼腿，咬落外层酥酥脆脆，内层鲜嫩弹牙，实在令八爪鱼爱好者无法抗拒。配搭八爪鱼嘅系自家调制西班牙酱汁配沙律菜，整体虽然好食但唔会太饱肚，适合注重卡路里嘅朋友仔食，如果想要饱肚份量大嘅话推介试下西班牙黑毛猪鞍架配炸薯粒💕。🥔西班牙薯仔蛋饼🥔$78平平凡凡嘅外型底下，却是令人一食爱上嘅味道。蛋饼蛋味香浓，一切落去，薯仔馅即刻缓缓流出，食咁多次蛋饼都系第一次食到流心质地嘅，非常出色，系暂时喺香港食过最好食嘅西班牙薯仔蛋饼。🦑薄切慢煮八爪鱼🦑 $78爽口八爪鱼非常鲜味，以酸酸甜甜嘅开胃橄榄油番茄酱作
🔍观塘观塘道348号国际贸易中心地下G02号舖
-----
呢间以霓虹光管为主题嘅西餐厅，B仔上月曾经光顾过佢地嘅铜锣湾分店，一试难忘，正好圣诞假期谂唔到食咩好，今次就黎佢地嘅牛头角分店食午餐。分店距离牛头角地铁站好近，约2-3分钟路程(Google map会比条7分钟嘅路线你😛大家唔好跟，唔识行可以问我）同铜锣湾店一样，深色嘅木台木凳，配搭墙上大型「食鬼」霓虹灯装饰，打卡位充裕，想影张呃like相毫无难度。
🦑烤煎原只八爪鱼腿配西班牙青酱🦑 $208
又长又粗嘅八爪鱼腿，咬落外层酥酥脆脆，内层鲜嫩弹牙，实在令八爪鱼爱好者无法抗拒。配搭八爪鱼嘅系自家调制西班牙酱汁配沙律菜，整体虽然好食但唔会太饱肚，适合注重卡路里嘅朋友仔食，如果想要饱肚份量大嘅话推介试下西班牙黑毛猪鞍架配炸薯粒💕。
🥔西班牙薯仔蛋饼🥔$78
平平凡凡嘅外型底下，却是令人一食爱上嘅味道。蛋饼蛋味香浓，一切落去，薯仔馅即刻缓缓流出，食咁多次蛋饼都系第一次食到流心质地嘅，非常出色，系暂时喺香港食过最好食嘅西班牙薯仔蛋饼。
🦑薄切慢煮八爪鱼🦑 $78
爽口八爪鱼非常鲜味，以酸酸甜甜嘅开胃橄榄油番茄酱作调味，正好为我唤醒味蕾，迎接接下来嘅美食。
🍋柠汁白酒煮蚬🍋 $98
胀卜卜嘅大蚬非常鲜甜，香柠白酒汁味道调得恰到好处，忍唔住饮咗几啖，先开始食蚬，系出色嘅餐前海鲜头盘，同我叫嘅西班牙🇪🇸啤酒味道非常合拍。
🍞西班牙玉桂多士配新鲜杂莓🍞 $58
貌似树干嘅造型配搭红红绿绿的食材装饰，感觉好有圣诞气氛🎄，外层沾满香香甜甜嘅玉桂糖粒，内层则是软绵绵又热辣辣嘅面包，入口味道不会过甜，加上少少🍓草莓同奶油，味道则更显丰富。
👶🏻B仔整体评价：8.3/10个👍🏻
👶🏻B仔抵食程度：7.5/10个👍🏻
👶🏻B仔环境评分：8/10个👍🏻
👶🏻B仔味道评分：8.5/10个👍🏻
👶🏻B仔回头机会：9/10个👍🏻
-----
#swallowhongkong
☺️快D跟住B仔一齐吞食香港啦！🤤
#swallowNgauTauKok
张贴
