影片
更多
2012-09-24
42 浏览
又喺老婆教会嘅弟兄小组一月一聚嘅日子，原本安排参观历史博物馆，因为好几个弟兄当日有事未能出席，净得番4个人，咁就无谓再逛博物馆，改食番餐饭，深入交流吓，分享吓就算喇，晚饭地点拣咗晌番教会附近嘅江户前。荃湾本身都有几多日式食肆，数埋都有成6、70间，虽然依间日式理料食物水准一般，晌OR仲喺喊面多过笑面，但依然有好多人帮衬，无他嘅，佢哋胜在款式多，就如小弟之前对佢所写嘅食评，主题就叫「乜都有日式茶餐厅」，好似茶记咁，真喺乜都有；兼且佢定个价位确喺平，几十蚊个定食已经有交易，直头平过去连锁快餐店，仲要有番现金券回赠（每食满$20，即送$2现金代用券，喺当现钱使，够直接），诱你返兜再返兜。荃湾贫苦大众居多，平平哋又试到日本嘢，所以，小弟觉得江户前个定位对得几啱。依一晚喺星期六，楼下企咗一大堆人等位，我哋无订位，结果就罚企20分钟先有得入座喇。三文鱼寿司 $7/两件烟三文鱼寿司 $7/两件寿司特卖，其实当大家想叫嘅时候，我都有啲担心，$7仲要两件㖞，可以去到咩水平心里有数啦。三文鱼寿司，果然唔多够新鲜；而烟三文鱼寿司就仲差，瘀瘀哋色，外观唔得，食落竟然暖暖哋，如果合埋眼食心里会好过啲，咪当佢火灸
荃湾本身都有几多日式食肆，数埋都有成6、70间，虽然依间日式理料食物水准一般，晌OR仲喺喊面多过笑面，但依然有好多人帮衬，无他嘅，佢哋胜在款式多，就如小弟之前对佢所写嘅食评，主题就叫「乜都有日式茶餐厅」，好似茶记咁，真喺乜都有；兼且佢定个价位确喺平，几十蚊个定食已经有交易，直头平过去连锁快餐店，仲要有番现金券回赠（每食满$20，即送$2现金代用券，喺当现钱使，够直接），诱你返兜再返兜。荃湾贫苦大众居多，平平哋又试到日本嘢，所以，小弟觉得江户前个定位对得几啱。依一晚喺星期六，楼下企咗一大堆人等位，我哋无订位，结果就罚企20分钟先有得入座喇。
三文鱼寿司 $7/两件
烟三文鱼寿司 $7/两件
寿司特卖，其实当大家想叫嘅时候，我都有啲担心，$7仲要两件㖞，可以去到咩水平心里有数啦。三文鱼寿司，果然唔多够新鲜；而烟三文鱼寿司就仲差，瘀瘀哋色，外观唔得，食落竟然暖暖哋，如果合埋眼食心里会好过啲，咪当佢火灸过啰。饭方面，一夹即散，做炒饭绝对可以做到饭粒分明，做寿司唔系好得㖞！
蟹籽沙律冷面 $43唔讲以为喺一道沙律添呀，因为唧沙律酱多到成碟面都喺。不过咁，冷面都几爽，捞匀晒青瓜丝、沙律酱、蟹籽，夏天食真喺透心凉。
秋刀鱼盐烧 $35卖相单调咗啲，只喺伴有柠檬同萝卜蓉，但条秋刀都几大条，仲烧得几甘香。外皮脆脆，味道唔腥有咸香，虽然肉质未喺最肥美，但我都觉得几OK。
烧原只日本鱿鱼筒 $45真喺原只咁烧，一条鱿鱼须都无少留番晒俾系，烧嘅色水几靓，淋埋少少酱油，不过唔知点解，江户前真喺好实际，一啲伴碟嘢都唔搞。几香鱿鱼味，质感又唔韧，不过，最衰喺上到枱唔喺好热，感觉有少少失色。
石烧蒜片牛肉粒菜饭最后依道菜正式嚟讲，喺菜牌都揾唔到，唔喺咩预订秘制菜式，但又一定食得到。菜饭？不过唔同上海菜馆嘅菜饭，要自家制，我依班弟兄真搞鬼，咁都谂得到。事缘有次其中一位弟兄同屋企人嚟食晏，叫咗个炒杂菜、石烧蒜片牛肉粒，感觉油淋淋，就不如叫个白饭捞埋一齐食，又真喺有净白饭叫㖞。今次照办煮碗有机会又试吓，效果又真喺唔错㖞。三者价钱如下：石烧蒜片牛肉粒$45、炒杂菜$22、白饭$10。前两者都颇为香口惹味，之但喺有啲肥，又确喺油淋淋，捞埋啲白饭，易入口好多，再者，啲牛肉粒几香蒜味，饱肚之作！
边食边倾偈，又揾咗啲有意思嘅文章分享吓，大家都觉得今晚过得几畅快。张贴
