厚興瑜記手撕雞 (卓爾廣場)

营业中

休息中

今次叫左二人套餐 $128包括手撕鸡半只、自选小吃拼盘、时菜、汤同埋饭。问咗老板清远手撕鸡同招牌鸡有咩分别，原来清远手撕鸡系养得比较耐嘅鸡所以肉质比较厚实，而相反招牌鸡就系后生啲，所以会柔嫩啲。最后我拣咗清远手撕鸡，配姜茸同埋口水酱。小食拼盘我拣咗鸡肾同埋麻辣猪耳。份量都多嘅，麻辣猪耳对于我呢个唔食辣嘅人来讲都几辣，但系未去到接受唔到，如果钟意食辣嘅朋友可能就未必够辣。今日嘅靓汤系红萝卜青萝卜鸡脚汤，好足料俾咗好多萝卜同三只鸡脚。菜就系高汤娃娃菜，正常叫做为呢一餐添加啲纤维。最后我仲叫咗一个3.6牛乳水晶华田呢个个二人餐唔包嘅要额外加$16，华田味唔会好似平时茶餐厅饮好重，但夹杂着奶香，好饮得黎又唔会过分地甜，奶冻口感QQ，我都几推介呢个饮品。