東京大眾酒場 (已結業)

大角咀附近新开左一间日式餐厅，好有居酒屋嘅感觉。见佢选择好多元化，有关东煮、拉面、浜烧、先付、锅物同啤酒。老板都好好招呼，亲自睇场。关东煮关东煮热辣辣，最啱冬天食。我地就叫左萝卜、竹轮、芋丝同日本鱼饼。每一样都煮得好稔身，特别系萝卜，入口即融。芋丝就好有咬口。鱼饼就有啲似食紧鱼板咁。美人锅。个锅比想像中大个，以为系吉野家嘅size，点知系屋企打边炉个啲大煲。上枱嘅时候系生鸡肉，等佢滚嘅时候已经闻到好香鸡汤味。煲入面有好多蔬菜同菜，2个人share都未必食得晒。备长炭烧物。我地分另叫左和牛串、鸡肉串同鸡肾串。和牛入口即融，好香油脂味，好少串烧可以做到e个效果。鸡肉调味好突出，好滑，鸡肾好爽口。鸡汤。每个客人都会有一杯鸡汤，个鸡汤睇落去平平无奇。饮落去你会发现佢好足料，每饮一啖都好似食紧鸡肶嘅鸡油咁，好浓味。汁煮响螺。平时食日本野好少会见到有响螺，见到e到有就即刻叫黎试下。个螺煮得好入味，入口有小小酒味，一啲都唔腥。