影片
更多
2020-11-25
284 浏览
疫情近日又再度急剧恶化，口罩都唔知要戴到几时，长期戴口罩真系令皮肤越黎越差；今日行经旺角，收到传单新开呢间养颜滋补火锅新张期间七折，趁今日天气转凉，一于上黎暖下身兼养下颜。坐低后当然身第一时间拣锅底，店员好用心咁将每款锅底介绍一次，一场黎到梗系要试招牌养颜美人锅底啦。系等锅底期间，混酱是必须的，呢度嘅酱料都几齐全，炸蒜、辣椒、芝麻酱、沙嗲酱等等应有尽有，另外仲有三款餐前小食添。好快美人锅就上台了，汤料有淮山、北芪、党参、龙眼干及杞子，再加入原只竹丝鸡及桃胶，相当足料。店员仲提我地记得先饮汤，之后先打边炉添。汤入口非常鲜甜，好重鸡味而唔重药材味，无味精下饮完都唔会好口干。饮够汤后终于可以打边炉了，值得一赞嘅系好多火锅料都可以选择半份，咁就可以食多d唔同野啦。美国桶蚝 :桶蚝都算大只，一份有八只，入口鲜甜唔腥，亦无乜沙，热辣辣非常好味。蟹籽墨鱼丸+黑松露虾丸 :半份有四粒，每款丸都系手打，其中蟹籽墨鱼丸爽口弹牙；虾丸黑松露香气十足，但唔会盖过虾嘅鲜味，两者味道好夹。手打虾滑 :虾滑相当新鲜，虾味好浓郁，入口弹牙，系汤渌左好耐都唔会变韧，好好味。凤城水饺 + 台式蛋饺 :同丸一样，半份有四只
坐低后当然身第一时间拣锅底，店员好用心咁将每款锅底介绍一次，一场黎到梗系要试招牌养颜美人锅底啦。
系等锅底期间，混酱是必须的，呢度嘅酱料都几齐全，炸蒜、辣椒、芝麻酱、沙嗲酱等等应有尽有，另外仲有三款餐前小食添。
好快美人锅就上台了，汤料有淮山、北芪、党参、龙眼干及杞子，再加入原只竹丝鸡及桃胶，相当足料。店员仲提我地记得先饮汤，之后先打边炉添。汤入口非常鲜甜，好重鸡味而唔重药材味，无味精下饮完都唔会好口干。饮够汤后终于可以打边炉了，值得一赞嘅系好多火锅料都可以选择半份，咁就可以食多d唔同野啦。
美国桶蚝 :桶蚝都算大只，一份有八只，入口鲜甜唔腥，亦无乜沙，热辣辣非常好味。
蟹籽墨鱼丸+黑松露虾丸 :半份有四粒，每款丸都系手打，其中蟹籽墨鱼丸爽口弹牙；虾丸黑松露香气十足，但唔会盖过虾嘅鲜味，两者味道好夹。
手打虾滑 :
虾滑相当新鲜，虾味好浓郁，入口弹牙，系汤渌左好耐都唔会变韧，好好味。
凤城水饺 + 台式蛋饺 :同丸一样，半份有四只，水饺好足料，有原只虾加猪肉、木耳及笋，水饺皮薄之余唔会太易穿，大大只好好味；蛋饺以薄蛋皮包住猪肉，入口散发出淡淡嘅蛋味，感觉好新鲜。
蜂巢冰豆腐 :
打边炉最爱冰豆腐，好快食得之余，冰豆腐吸收晒汤汁后，比普通豆腐更好味。
农场杂菌 + 即炸响铃 :杂菌篮有金菇、秀珍菇、鲜冬菇及灵芝菇，非常丰富；响铃即叫即炸，放入汤几秒就食得，吸收晒汤汁后非常好味。
埋单前餐厅更送上水果，食饱后食返d水果消滞，感觉好满足。七折后埋单每人都只系二百零蚊，都算抵食。
张贴
