富泰燒烤樂園

营业中

休息中

能够去到一个服务又好，环境又优美，而且食物质素唔差嘅烧烤场确实唔易，嚟到呢度只系$100松啲每个人，一入到黎，佢哋嘅态度好好，好快起咗炉，我哋每人都有两张飞可以换饮品。场地非常空矿，可以容纳起码500人，有大型舞台，同埋有儿童可以玩乐嘅充气池，一家大细喺度共聚天伦就最好不过啦。佢提供左一个筲箕俾我哋可以出去拎啲冷食，就咁望落去食物都有接近40至50款，款款都新鲜制造独立包装，唔使整到周围污糟邋遢。 呢度嘅蔬果都特别新鲜，我最喜欢食青椒，青椒里面嘅水份好足，唔会因为烧烤嘅热力而蒸发，证明好新鲜。我仲系呢度见到一只可爱嘅猫，应该喺呢度饲养嘅好趣致。呢度仲有师傅亲自烧烧猪俾你，价钱不贵，下次一定再嚟试吓先。