潮丸 (已結業)

上个星期我出咗成个星期Trip，A姐就孤独咁过咗一星期（我谂系，除非唔系），今日就轮到佢去咗荃湾同好姊妹倾心事，唔同我食饭！好叻咩！你识去荃湾，我都识去筲箕湾啦！筲箕湾东大街咁多好嘢食，今日就去潮丸简简单单食碗一啲都唔简单嘅牛河啦。牛三鲜米线牛三鲜姐系牛腩、牛筋同牛肚。我就最钟意牛肚，因为索晒牛汁以够腍；而牛筋就好有咬口，仲有啲胶口，好似有好多骨胶源咁呀；至于牛腩唔肥，仲好香牛味呀。最值得一赞嘅系，餐厅好细心将冬菜、葱同莞茜分开上，想落几多随你喜欢，但如果牛同米线嘅份量可以多啲就好喇。食面又点可以无辣椒油，呢度就三款，最辣嘅系黄灯笼辣椒酱，最好味又够香嘅就系厨师自制自炒嘅辣椒油。