廳2 (已結業)

今日约咗两个闺蜜食晏，佢哋就我喺公司附近食啲嘢！成日经过呢间餐厅都未食过，今次就试吓佢啦。午餐主要都系食返套餐，呢度都几fusion ，好似咩都有啲咁，日式韩式中式西式乜都有啲！今日天气冻冰冰，所以我就拣咗要大酱牛肉豆腐汤，饮落去暖下个胃都好呀！我谂佢系即叫即整嘅，因为都等左一阵，朋友个叉烧煎蛋饭食完一半我个汤先至嚟。嚟到个份量都唔细，个汤入边除咗有豆腐同埋牛肉之外，仲有一啲蔬菜嘅！有啲翠玉瓜、萝卜、薯仔同埋冬菇等等。讲真，仲有咁大碗饭就真系食唔晒嘅。味道当然唔会话去到好韩国风味啦，但系如果冬天来讲，想食啲热辣辣嘅嘢都几好味嘅！除咗个汤同饭之外，佢仲有少少半菜，有啲泡菜啊牛蒡啊同埋萝卜丝咁，送下饭都唔错吖！