小魚兒 (寶漢大廈) (已結業)

上次带🐻爸🐻妈食过小鱼儿既烤鱼之后，都话好食想再食，呢排冻冻地就系时候出动。⭐️烧羊肉串 $25调味拣左孜然，拎到埋黎果阵已经闻到好香孜然味，肉质软腍，亦冇羊骚味，怕阵骚味既朋友仔都唔驶担心。⭐️江团鱼 老坛酸豆花 $348今次拣左唔辣+bb麻。汤底唔辣就一定冇咁惹味，但清得黎有酸菜既酸味，饮落好开胃。配菜仲有芫荽、青瓜、洋葱、云耳、滑溜豆花、芽菜、宽粉。鱼系炭烤过再放上炉煮热先食，肉质嫩滑，鱼脂味浓，都会有骨，一路滚住但鱼肉都唔会柴。个炉好猛火，叫店员加左几次3次鱼汤🤭⭐️红薯粉 $28⭐️金针菇 $36⭐️炸响铃 $48叫呢3款都系为索汤汁，推介红薯粉，汤底滚后落就好快熟，食落好烟韧。