上海真美豆漿大王

营业中

休息中

将军澳区大部分都系连锁商场，甚少有小店，而呢间起码开咗廿年既小店，仍然可以喺贵租之下屹立不倒， 除咗价钱平之外，旧式平民小店嘅感觉都系好吸引，佢嘅装修虽然冇特别，而且可以讲得上系残旧，但系就好似返咗廿年前咁。下午茶时间，嗌咗一碗油豆腐上海面，面唔算好大碗， 有三粒油豆腐，即系豆卜， 但入面酿咗菜肉碎， 非常索汤。 同埋有啲卤肉碎、炸菜同葱，成碗面就甜甜哋，但系个汤底就好清，系简单嘅家庭式小面。咸豆浆就比较少见，有油炸鬼，虾米仔，葱花，菜莆粒， 其实唔太咸，反而系香，加咗配料之后，碗豆浆比较杰身，暖胃又饱肚，同埋豆浆好有豆味， 食完成个人暖晒，好舒服。不过咸豆浆比一般豆浆要加六蚊，但都系抵嘅，话晒都足料，埋单三十六蚊，算系咁啦。 如果想悭啲嘅话普通一碗面配热豆浆，其实只系三十，而我就贪心想饮咸豆浆， 不过值得一试。