爺爺雞煲皇 (已結業)

见天气开始冻，加上黎到元朗，气温都低几度，就想食返啲热辣辣，暖笠笠嘅野。于是我地就黎左食鸡煲！哩间鸡煲有埋海鲜同刺身食，到底系我太耐冇食鸡煲，潮流已经转左，定系佢真系好有新意呢？刺身就冇食到喇，因为我地都系想食热同埋熟嘅野。爷爷鸡煲，我地简左微辣，不过对我地黎讲都几辣。里面啲鸡肉都几入味。豚肉，用黎打边炉真系好正，而且本身冇调味，继续打边炉唔会搞到汤底好咸。四宝丸，一般黎讲四宝丸入面总有一两款系我唔中意食或唔够好食的，但哩个四宝丸质素好平均。牛丸同鲮鱼球都好弹牙，虾丸同墨鱼丸都好新鲜，不过墨鱼丸可以更弹牙。另外仲食左哩到自家制的响铃，好重豆味，同系出面买个啲真系几有分别。虽然比较幼身，但好值得食。