新記煲仔雞粥 (已結業)

呢排天气冻咗好多，咁啱系元朗见到新记鸡粥，一系食热辣辣生滚粥都好㖞，食完应该会暖笠笠，里面有位又坐得松动，啱晒！好，坐低睇下有咩好食先。贵妃鸡粥，个粥底好绵，面头有鸡油，煲到将成个鸡味迫晒岀黎，仲有好几件鸡件，碗粥好够份量，食粥都好够饱。炸萝卜糕，炸得好香脆，里面萝卜糕就有丝丝口感，呢个炸萝卜糕好食过煎嘅。海哲手撕鸡，带少许麻辣味，海哲爽口，鸡丝啖啖肉，非常惹味菊花蜜，冬天干燥，饮番杯菊花蜜润一润。