阿杏飯團 (新都城中心二期)

营业中

休息中

见到有新店开张，当然唔会错过。环境光猛，地方整齐企理，装潢有啲和风色彩，简朴优雅，座位亦宽敞舒适。主打饭团，亦有几款饭卷、便当和拌饭，另有饮品和甜品。每款饭团都系现蒸紫米，鲜米手作，好新鲜！紫米黏糯得嚟又有咬口，卷着满满的材料，非常丰富。啖啖肉系列嘅广岛黑椒猪扒饭团 （$39）超大猪扒，腍嫩咸香，配埋肉松、脆松、生菜、菜甫等材料，拌上原味沙律酱，用料丰富，配搭美味，口感非常丰富，每咬一啖都真系啖啖肉。网红蟹肉饭团 （$41）用料同样丰富，中间就卷了一条粗大柔软的蟹棒，拌了蜜糖芥末酱，好夹！霸气芒果茶（$36）甜甜酸酸，仲有大量爽口嘅椰果，又饮得又食得，够饱肚。葡萄冰柠茶 （$30）有青柠香，亦有葡萄酸，酸咪咪，好醒神，不错！