Pain Perdu salon de thé (已結業)

一向无包不欢嘅我，上次睇完揾食饭团之后，即刻上网search下呢间餐厅，原来都几近我返工嘅地方㖞，一于同同事来个包lunch啦！ 呢度地方唔大，好在𠮶日我哋都早来有位坐！套餐可以拣跟咖啡或者跟gelato。我同我同事就一人一个。杯雪糕都几大杯㖞，酸味味又creamy，好好食！ 主角出场，呢度嘅面包系由法国蓝带大厨亲手整架，每个都烘到刚刚好，最钟意佢外脆得黎又唔𠝹口。最仲要系个包仲系好暖粒粒架。 芝士三重奏- 钟意食芝士嘅一定要叫呢个真系好香芝士味。我好钟意食芝士但系唔认识芝士，但都食得出佢用嘅并唔系普通流嘢呀！Mozzarella 揾出来一丝丝的，巧正！ Mixed Mushroom 白菌-芝士蘑菇当然系绝配，上面放咗好多蘑菇呀，蘑菇炒过味道同口感都刚刚好，配埋软棉棉嘅芝士，饱晒！呢间餐厅的确可以再encore！