小草十八怪

营业中

休息中

这间店在旺角时食过，份量足款式多，今日同朋友行完玩具店出来见到对面开见到佢，当然要入去食返个招牌无火生滚石锅煲仔饭，天气冻，更加想食到D暖胃嘅食物，自选双拼腊肠、滑鸡件，落单即做，无火生滚石锅煲仔饭上枱后再焗多十分钟左右，就可以打开盖，热辣辣喷哂烟嘅卖相十分吸引，饭粒够干身，加入豉油捞匀，底部还有饭焦，加埋姜丝同葱花令到个饭更香。朋友就点了个差点被截单下午茶嘅全日早餐，上枱见大份足料，有块炸得香脆猪扒、香滑炒蛋、香口炸薯角、焗茄汁豆、香煎火腿、大大块牛油多士等食物组成。绝对系让人满足之选！还有昭通炸酱肥牛捞薯粉，都系大大碗，在超弹牙嘅薯粉上面铺满了炸酱同肥牛，捞匀入口味道同样滋味！韩式蒜辣青瓜，青瓜入口十分入味，除了蒜香外还带点辣味，都系餐前醒胃小食之选！而套餐还可以加钱升级饮品，我就点了杯特大桶装冻柠茶，非常抵饮！