海港燒鵝海鮮酒家

营业中

休息中

最近天气开始冻，食番个羊腩煲暖暖胃。呢间酒楼嘅羊腩煲都唔错，味道够哂浓郁，咸咸哋嘅汤汁用嚟送饭一流。羊肉份量都畀得足够，软腍易咬， 仲有冬菇、马蹄、支竹做配菜，十分之入味。另外叫咗蒸虎斑，虎斑正常size，蒸得啱啱好，已经够晒鲜味，鱼肉容易离骨，唔错。蜜味榄角骨十分香甜，感觉似细细粒嘅烧金沙骨配搭蜜糖，啖啖肉甜丝丝，食唔停口。最后叫咗个虾球伊面，伊面分量十足，就系虾球分量少啲，上汤味道唔错，基本酒楼水准。