順。越南牛肉粉

营业中

休息中

呢几日天气转冻，所以就嚟到中环街市里边揾一啲暖嘅嘢食，俾我见到呢一间价钱适中，卖相几好嘅越式牛肉面餐厅，决定一试。大约六点几嚟到，人唔算多，位置都算宽敞，亦都可以对住假花园，环境算系几好。餐牌上边选择唔算多，一般都系牛肉粉，可以拣汤河或者捞檬，今次拣咗呢一碗生牛肉牛肉丸汤河。生牛肉大概有三至四片，份量适中，而且加埋青柠嘅点缀，觉得味道几鲜味。汤底唔算浓，不过就几暖胃牛肉丸有大概三粒，几大牙爽口，而且牛肉味几重，几有真材实料。另外嗌咗莲藕虾饼，外边煎得香脆，而且入边嘅莲藕粒爽口，食落去口感几丰富。不过值得一赞嘅系佢唔会揸得特别热气。Conclusions: 适合想食暖嘅汤河，喺中环附近返工嘅朋友。