影片
更多
2024-07-03
962 浏览
今日喺铜锣湾办完事经已晏昼三点，因为叹咗好耐嘅冷气又唔记得带褛，所以觉得就嚟冻亲要病。一于去食个下午茶啦，要食啱嘢至得。嚟到左近呢间上海姥姥，睇到下午茶餐有汤面，可以化解到我周身嘅寒气啩。门口大大只字写住六十几蚊，唔算贵，就入去坐低。服务都算几好，有带位有斟茶有解答，不过都揾唔到纸巾㖞，噉就衬唔到呢度望落去都几讲究嘅古色古香嘅环境喇。卒之点咗嫩鸡煨面、爆汁鲜虾韭菜馅饼、热无糖豆浆呢款套餐。鸡煨面都算多料，有鸡有菜有面有汤底，营养均衡，但系汤底香浓之余太咸，冚住咗鸡同小棠菜嘅香味，实在冇办法饮埋啲汤，有啲嘥。鲜虾韭菜馅饼比较令人失望，卖相非常一般，见到两粒馅饼嘅双面都系煎到油冧冧，又唔似系现整好新鲜嘅样，食落唔单止冇鲜虾嘅口感同韭菜嘅香味（讲真我系香港都好少食到有新鲜韭菜香味嘅饺子、包同饼），仲要入面爆出嘅唔系肉汁而系肥油！香港有豆浆饮嘅地方有好多，不过今次有新鲜又无糖嘅热豆浆令我有啲惊喜。总算食咗暖笠笠嘅一餐，几满足嘅。埋单唔系六十几蚊而系加到去八十几~原来不单止有加一服务费仲要加埋茶位添！
嚟到左近呢间上海姥姥，睇到下午茶餐有汤面，可以化解到我周身嘅寒气啩。门口大大只字写住六十几蚊，唔算贵，就入去坐低。服务都算几好，有带位有斟茶有解答，不过都揾唔到纸巾㖞，噉就衬唔到呢度望落去都几讲究嘅古色古香嘅环境喇。
卒之点咗嫩鸡煨面、爆汁鲜虾韭菜馅饼、热无糖豆浆呢款套餐。鸡煨面都算多料，有鸡有菜有面有汤底，营养均衡，但系汤底香浓之余太咸，冚住咗鸡同小棠菜嘅香味，实在冇办法饮埋啲汤，有啲嘥。鲜虾韭菜馅饼比较令人失望，卖相非常一般，见到两粒馅饼嘅双面都系煎到油冧冧，又唔似系现整好新鲜嘅样，食落唔单止冇鲜虾嘅口感同韭菜嘅香味（讲真我系香港都好少食到有新鲜韭菜香味嘅饺子、包同饼），仲要入面爆出嘅唔系肉汁而系肥油！香港有豆浆饮嘅地方有好多，不过今次有新鲜又无糖嘅热豆浆令我有啲惊喜。总算食咗暖笠笠嘅一餐，几满足嘅。
埋单唔系六十几蚊而系加到去八十几~原来不单止有加一服务费仲要加埋茶位添！
张贴