叉燒大王

营业中

休息中

好耐冇食烧味，香港烧味周围都系，但讲好食嘅叉烧数一数二嘅一定系河畔依间叉烧大王。唔使谂入到去，一定嗌个叉例$88。4个人食都够食，依度嘅叉烧真系食过返寻味，唔肥唔瘦又唔硬，拍得住周星驰𠮶套嘅暗然销魂叉烧饭，我哋仲叫咗白饭，正wo系丝苗白饭。净系睇碗白饭都唔hea绝对不是平价米, 配埋佢全日免茶芥嘅茶已经系赏心乐事。香港人整嘅叉烧真系好正。旧叉烧烧得啱啱好肉质软淋又唔肥。老公话想食牛。我哋叫咗蜜薯牛柳粒。原来主角反而系啲薯仔外脆内软，牛就系一般嘅牛柳粒冇特别惊喜。跟住见到个Menu有个叫做铁板肉松炸茄子。睇相卖相几靓仔所以又点左嚟食。依个都几特别原来茄子入边酿咗啲猪肉加鲮鱼肉，又系外脆内软。原本以为叉烧大王净系食叉烧或者烧味一类，估唔到系依间中菜都有呢啲特别嘅菜式。如果想食好食烧味，又想坐低饮啖茶又想有镬气嘅大排档就拣呢间。