隱啡

营业中

休息中

今日男友带我去屯门间咖啡店 「隐啡」，假日下午时段都几多人等位，但多数会唔等，转外卖咖啡，我地等左15mins就可以入座，都唔算好耐，仲可以坐底试埋d蛋糕。homemade 多份暖心嘅感觉，估唔到卖相都好吸引。暗黑系-冻牛奶咖啡特别用左食用级竹炭，有助吸附身体杂质，帮助身体排毒，而且不含糖，加入咖啡度，除左好型格，仲对身体有好处。加左牛奶令咖啡更香更滑，也顺喉易入口，系种几温和的味道，少饮咖啡嘅我都接受到。菠萝反转蛋糕估唔到焗热左，外面微脆内里松软，有菠萝酸酸甜甜嘅味，每啖都咬到菠萝一丝丝的肉，而且个蛋糕好特别，唔系度度有，比较少见。抹茶麻薯卷蛋抹茶味偏淡，颜色也偏深，麻薯唔够烟韧，似糯米团咁软，太痴口，但卷蛋口感不错，中间的cream也香滑，甜度唔高，食完唔腻。姜汁红糖牛奶热咖啡入口温热，姜味几重，饮完个阵热度由口慢慢落到肚，完全feel到的温暖感，仲有红糖香甜，咖啡酸度较高，味道系个种好易入口。