無老鍋

营业中

休息中

由细到大都好钟意打边炉，但系食亲嘅一间有一间咁执笠，所以都唔知边间好食。有一次喺台湾食过无老锅之后，发觉呢间嘢真系不得了，非常之好食。之后喺香港揾得到佢嘅足迹，就二话不说咁入去试。叫咗鸳鸯锅，真系超级好食，任食豆腐同埋鸭血，净系食呢两款已经非常之惹味，再加上个汤底，就咁饮咗一啲都唔会觉得咸，然后听个店员推介，叫咗个牛嘅拼盘，啲牛好新鲜劲香牛味，唔似出面𠮶啲舖头，俾啲急冻有阵雪藏味牛肉你。然后再加多个丸嘅拼盘，啲丸又系好好食，全部都好弹牙，应该全部都系自己间舖头整出嚟。其实仲有嗌咗个排骨酥，个排骨酥真系一定要推荐你去试，因为系舖头自己整，好有台湾风味，好食到不得了。仲有𠮶个雪糕豆腐，唔想讲太多，因为真系好好食，起码加添咗三次！佢本身张枱都包咗壶茶，茶已经好好饮，唔使再额外叫咩特别嘅饮品，除非真系好想饮啦