老虎堂黑糖專売 (渣甸街)

营业中

休息中

同朋友食完生日饭,唔想佢再破费请我食甜品,就介绍咗佢嚟试下呢个咁出名嘅老虎堂啦 话说我上个月试咗一次之后,再饮过几间唔同嘅牌子比较,始终都系觉得老虎堂最好饮,成日都令我啰啰挛心痒痒咁挂住佢嘅味道,今晚有机会再饮,真系令我十级咁开心,肥死都算罢了 今晚落住雨,我哋担住遮行到过嚟,我已经见唔到上次嚟嘅夸张人龙(话说我上次都等咗差唔多成个钟先有得饮)我朋友都已经话: 「哗乜咁多人嘅?洗唔洗呀?」我心谂...唔落雨嘅话仲吓死你呀傻仔......😂😂😂朋友见唔算等好耐,又见我介绍,所以就买咗一人一杯虎虎生风厚鲜奶(波霸+珍珠) 买咗飞之后,只系等十零个号码,所以都系等咗大约十分钟左右就已经饮得喇!!!真系可喜可贺👏🏻👏🏻👏🏻跟住我朋友试咗之后,都话我冇介绍错,坚好饮,黑糖味好重,啲珠又好食😋 我再向佢介绍,虎虎生风嘅意思即系将杯反转,摇几下,再反番正面,然后里面嘅黑糖流落嚟嘅纹好似虎纹咁样~所以个名就系咁嚟啦,而厚鲜奶嘅意思,如果有细心留意佢哋冲调,佢哋系用日本某牌子嘅鲜牛奶制造,而呢一份厚实嘅质感一定要用全脂牛奶先可以做到,朋友亦都同意佢嘅奶味十分之香浓,好满意