大利清湯腩 (已結業)

成两个月无食过清汤腩，咁啱今日去开附近咪心思思行去食啰，坐低叫咗碗「坑腩米」，个黑面阿姐 (其实佢哋服务不嬲都差嘅！) 掉低张单时见佢写咗 28 蚊，咦食开不嬲 25 蚊吖嘛，阿姐写错价？我望吓个餐牌，哗…真系又加价…？最后嚟咗碗肥腩米，个黑面阿姐话无坑腩，所以同我揸主意食肥瘦腩……我一路食一路谂「唉…又加价…又受气…」当快快食完离开后，见隔离…咦？「华姐清汤腩」无加价嘅…嬲嬲哋同「华姐」买碗「坑腩米」外卖，个汤分开上都系收我 26蚊咋！ 咁「大利」你就实在过份啦，门口玻璃贴住「阿苏」前排响「苏GOOD」嘅推介，你被人推介吓就招招绩、得得戚？你隔离「华姐清汤腩」好食过你啦，平时见你唔使等咁耐至帮衬你啫；你就咁巴闭？介绍吓就人唔加你加？ 最过份系一加就加成三个大洋，各位评吓加得系咪过份先，加成个波萝包价钱呀… 系你系有权加几多都得，我都有权唔帮衬你啫，所以从今以后，就算「华姐」都加到 28 蚊我帮衬「华姐」都唔再帮衬你「大利」呀。 带头加价不特止仲要加咁多…你不如改名叫「暴利清汤腩」吖笨！！