Divino Patio Ristorante Bar Pizzeria

营业中

休息中

今日同同事约好食饭，但天气不似预期，所以拣左距离公司比较近嘅意式餐厅食lunch。餐厅lunch供应two course同three course，有六样主菜可供选择。落单后，侍应先送上一篮面包。面包系冻嘅，质感偏硬而且无咩面包香味。之后送上嘅系厨师沙律。有别于一般嘅摆盘，餐厅系将所有材料分开咁放上碟，而唔系先将食材混和。咁除左可以食到唔同材料本身嘅味道，食客更可以混和唔同材料食出更多嘅味道配搭。最后上枱系螺丝粉，相比起黎最为出色。酱汁煮得好浓郁，而螺丝粉就煮得啱啱好，有咬口得黎唔会硬。用餐后落大雨，店员好有善、主动同我哋讲可以经另一通道离开餐厅到行人天桥。餐厅环境系坐得舒服，方便客人倾计。然而，餐厅设有露天嘅可吸烟嘅座位，烟味会飘入室内，唔食烟嘅食客可能要留意。