影片
更多
2008-10-15
14 浏览
为庆祝我个食嘢劲奄尖嘅老豆大寿，伤脑筋去边到食嘅时候响饮食男女见到鮨久个广告，讲明每日新鲜到港日本冇货到就唔开好似好Pro咁，就一于试吓去啦! 不过订位真系几难但就令我期望更高！当日去到云咸街嘅时候揾极都揾唔到，原来要经过一条唔会觉得有舖头嘅楼梯行落去(心感不妙!) 但去到门口令我眼前一亮，超巨型酒柜放满晤同嘅酒，装修似足日本feel嘅寿司bar只得10数个位,客人全部都坐counter同师父全接触。我哋被安排坐响背住门口，一坐低热茶,毛巾,menu统统即时送上服务一流！打开menu有啲无从入手因为咁大个女都未食过咁传统嘅寿司bar,店员见我有D疑惑就过嚟帮我地逐个set介绍,最后我地拣咗价值$1,800嘅SushiQube set(有D唔舍得，一生人豪一次啦!)及一支唔记得セ名嘅sake。首先店员比咗碟应该系沙甸鱼刺身嘅前菜(几精致!前菜嚟讲绝对唔马虎!)然后师父送上剌身,有鱼,贝类同虾十几件,细心之处系师父逐一介绍同埋食嘅次序(日本师傅但识讲中文架贵嘢果然系讲究D!所有嘢都好新鲜想食嘅嘢全部都有齐!最值得回味嘅系带子同拖罗,拖罗肥美到极入口即溶(师父话依D拖罗系野生嘅,唔系到到食到
当日去到云咸街嘅时候揾极都揾唔到，原来要经过一条唔会觉得有舖头嘅楼梯行落去(心感不妙!) 但去到门口令我眼前一亮，超巨型酒柜放满晤同嘅酒，装修似足日本feel嘅寿司bar只得10数个位,客人全部都坐counter同师父全接触。我哋被安排坐响背住门口，一坐低热茶,毛巾,menu统统即时送上服务一流！打开menu有啲无从入手因为咁大个女都未食过咁传统嘅寿司bar,店员见我有D疑惑就过嚟帮我地逐个set介绍,最后我地拣咗价值$1,800嘅SushiQube set(有D唔舍得，一生人豪一次啦!)及一支唔记得セ名嘅sake。
首先店员比咗碟应该系沙甸鱼刺身嘅前菜(几精致!前菜嚟讲绝对唔马虎!)然后师父送上剌身,有鱼,贝类同虾十几件,细心之处系师父逐一介绍同埋食嘅次序(日本师傅但识讲中文架贵嘢果然系讲究D!所有嘢都好新鲜想食嘅嘢全部都有齐!最值得回味嘅系带子同拖罗,拖罗肥美到极入口即溶(师父话依D拖罗系野生嘅,唔系到到食到架!),一定要encore!!!食完刺身后店员送上一碟炸咗嘅沢蟹仔,超脆!佐酒一流!然后送上一碟酸菜,店员话系要嚟refresh个口嘅。师父趁我哋食紧酸菜期间已静鸡鸡咁将一件佐口鱼寿司放在我哋眼前。全个餐有十几件寿司,由淡口D嘅白身鱼到浓味嘅海胆。唔食过都唔知有咁多款嘅白身鱼虽然佢哋好似但细心品尝后发觉D味道同质感都各有特色。师父将寿司逐件等我食完先放另一件在碟上,一级享受!令我真系以为自已身处在曰本!师父更因为知道我老豆生日任佢叫多几件寿司。饭后更有红面豉汤及雪糕。
依餐真系好好食食到好饱好enjoy, 所有嘢都冇得tan!唯一决点可能系地方太细,不过如果唔系都做唔到同师父咁close嘅感觉喇。虽然银包赤赤痛但绝对值得,连我个奄尖老豆都话要再嚟!
P.S: 唔想太贵的话可以下午食lunch set,$200-$300蚊咋!
张贴
