夢の丼 (已結業)

自从有咗屯马线,系元朗屯门入土瓜湾真系非常方便,今日特登由土瓜湾探朋友,顺便一齐食餐饭,今日朋友推荐我食日本菜。梦之丼 地址系土瓜湾谭公道2号地舖,餐厅地方虽然唔大但系装修得好整洁装修得好有日本风情,畀人感觉好整洁好舒适花锦鱼生丼 188元,鱼生丼材料非常丰富,每样食材都好新鲜肥美,份量亦都好多,鱼生切到一粒粒,卖相极之吸引,最上面放咗只生蛋,将蛋汁加落啲饭度食味道更加香。炎之丼 198 元,牛油酱烧帆立贝,帆立贝好大粒而且仲好新鲜,口感清爽鲜甜,左口鱼边 同样食到新鲜嘅味道,加上甜虾蓉,三文鱼蓉 ,整碗丼饭 都充满刺身嘅鲜味,而且日本饭软硬度适中,整体嘅口感到非常好，食到我哋个个都舔舔脷蟹膏豆腐 48元,豆腐嘅size刚刚好一啖食晒,入口食到香浓嘅蟹膏味,加上小小葱花点缀,而豆腐带点焦香,真系好好食。左口鱼边寿司 48 元,左口鱼边非常肥美,鱼嘅油脂经过烧香,味道更加突出。深海池鱼 88元,肉质紧实而且爽口,带有少少油香,味道真系好清甜,脂肪比例亦都系好适中,一啲腥味都冇,深海池鱼好值得推介非常美味。